Suriyada növbəti zəlzələ hadisəsi baş verib.
Modern.az Suriyanın rəsmi SANA agentliyinə istinadən xəbər verir ki, yeraltı təkan Palmiranın 56 kilometr şimal-qərbindəki Tedmurda qeydə alınıb.
Suriya Milli Seysmoloji Mərkəzinin məlumatına görə, yerli vaxtla saat 09:25 radələrində olan zəlzələnin maqnitudası Rixter şkalası ilə 3.8 balla qiymətləndirilib.
Zəlzələnin ocağı yerin 16 kilometr dərinliyində yerləşib. İtki və dağıntılar barədə məlumat yoxdur.
Qeyd edək ki, fevralın 6-da episentri Türkiyənin Kahramanmaraş vilayətində yerləşən zəlzələ Suriyada da hiss edilmiş, böyük dağıntılara və insan tələfatına səbəb olmuşdu.
