ABŞ və Avropa İttifaqı (Aİ) ölkələri Rusiya Federasiyasının almaz sənayesinə qarşı sanksiyalar üzərində işləyir.
Modern.az xəbər verir ki, bu barədə ABŞ Dövlət Departamenti məlumat yayıb.
Bildirilir ki, ABŞ və Aİ rəsmiləri sanksiyaların tətbiqi ilə bağlı almaz sənayesi şirkətlərinin rəhbərlərilə görüş keçiriblər.
Açıqlamada qeyd olunub ki, Rusiyanın almaz emalı və hasilatından əldə etdiyi gəlirin qarşısını almaq üçün ən effektiv və təsirli yolların həyata keçirilməsinə ehtiyac var.
