Polşa və Slovakiya Ukraynaya döyüş təyyarələri göndərməyə hazır olduqlarını bəyan ediblər.
Modern.az xəbər verir ki, bu barədə Slovakiyanın müdafiə naziri Yaroslav Nad bildirib.
O, ölkəsinin Ukraynaya “Miq-29” tipli döyüş təyyarələri göndərmək barədə qərar verməsinin vaxtının çatdığını deyib.
Nazir qeyd edib ki, İsveçdə polşalı həmkarı Mariusz Blaszczak ilə görüşdə Ukraynaya “Miq-29” döyüş təyyarələrinin göndərilməsi üçün prosesdə birgə iştirak etmək barədə razılığa gəliblər.
“Biz beynəlxalq koalisiyanın tərkibində “Miq-29” qırıcı təyyarələri Ukraynaya təhvil verməyə hazırıq”, - deyə Polşa Müdafiə Nazirliyinin açıqlamasında deyilir.
