"Rusiya öz dövlətçiliyinin mövcudluğu üçün mübarizə aparır, bizim yaşamaq vəzifəmiz budur".
Modern.az TASS-a istinadən xəbər verir ki, bunu Rusiya prezidenti Vladimir Putin deyib.
"Müasir beynəlxalq problemlər SSRİ-nin dağılmasından sonra başlayıb. Qərbin geosiyasi maraqları onlar üçün hətta SSRİ ilə ideoloji ziddiyyətlərdən qat-qat vacib oldu. SSRİ dağılandan sonra Qərb Rusiyanı silkələməyə çalışdı, beşinci kolon yaratdı, beynəlxalq terrorçuları göndərdi. Rusiya onilliklər boyu səbirlə Ukrayna ilə münasibətləri düzəltməyə çalışdı, lakin 2014-cü il dövlət çevrilişindən sonra vəziyyət dəyişdi. Rusiya Federasiyası Ukrayna ilə münasibətlərdə özlərini böyük "rus dünyası"nın bir hissəsi hesab edənlərə arxalanırdı, lakin 2014-cü ildən onların məhvi başladı. Rusiya 8 il ərzində Donbas problemini sülh yolu ilə həll etməyə çalışdı, lakin o, aldadıldı. Rusiya çoxmillətli ölkədir, amma yenə də Ukraynada "rus dünyası" üçün mübarizə aparır, bu insanları tərk edə bilməz. Rusiya sülhü yaxınlaşdırmaq, uğur və qələbə qazanmaq üçün konsolidasiya və soyuqqanlılıq nümayiş etdirməlidir", - deyə o söyləyib.
"Qərb gözləyirdi ki, Rusiya sanksiyaların tətbiqindən sonra 2-3 həftə və ya 1 ay sonra çökəcək. Sanksiyaların uzunmüddətli nəticələrinin təhlükəsi var, lakin hər şeyin yaxşı olacağı gözlənilir. Rusiyanın iqtisadi suverenliyinin dəfələrlə artması 2022-ci ilin ən mühüm nəticəsidir. Rusiyanın sabitliyinin təməlləri əvvəllər düşünüldüyündən qat-qat güclü oldu. Rusiya Federasiyasının maliyyə sistemi nəinki mövcudluğunu qorudu, həm də möhkəmləndi və davamlı şəkildə inkişaf etməkdədir. Yerli biznes ölkədən gedən Qərb şirkətlərini əvəz etdi, bu, asanlıqla baş verdi", - deyə Putin əlavə edib.
