Türkiyə Milli Kəşfiyyat Təşkilatı (MİT) İraqın şimalında PKK terrorçularına qarşı əməliyyat keçirib.
Modern.az TRT-yə istinadən xəbər verir ki, əməliyyat zamanı terrorçuların "rəhbər" şəxslərindən biri hesab edilən Fehmi Öğmen və axtarışda olan 2 terrorçu zərərsizləşdirilib.
Əməliyyat Süleymaniyyədə baş tutub. Məlumata görə, MİT uzun müddətdir axtarışda olan terrorçuları izləyirmiş.
1993-cü ildə təşkilata qoşulan, uzun illər ölkə daxilində və xaricdə fəaliyyət göstərən Fehmi Öğmenin Türkiyədə bir çox aksiyaları şəxsən təşkil edən şəxslərin sırasında olduğu bildirilir.
