Ադրբեջանի արտաքին գործերի նախարարությունը (ԱԳՆ) շնորհավորել է Թուրքիայի Հանրապետությանը Հաղթանակի օրվա կապակցությամբ։
Modern.az-ը հայտնում է, որ այս մասին հրապարակում է արվել նախարարության պաշտոնական «X» էջում։
«Օգոստոսի 30-ին՝ Թուրքիայի Հանրապետության Հաղթանակի օրվա կապակցությամբ, անկեղծորեն շնորհավորում ենք եղբայրական թուրք ժողովրդին և պետությանը։ Խորին հարգանքով հիշում ենք Թուրքիայի անկախության, ինքնիշխանության և տարածքային ամբողջականության համար իրենց կյանքը զոհաբերած մեր նահատակների հիշատակը և հպարտությամբ նշում ենք պատմական Հաղթանակը, որը ձեռք է բերվել մեր եղբայրական ժողովրդի անսասան կամքով, վճռականությամբ և հերոսությամբ։ Շնորհավոր Հաղթանակի օր»,- ասվում է հրապարակման մեջ։
