Xəbər verdiyimiz kimi, noyabrın 8-də Azərbaycan Respublikasının Prezidenti İlham Əliyev Bakıdakı Dövlət Bayrağı Meydanında olub. Dövlət başçısı burada Azərbaycanın üçrəngli Bayrağını ucaldıb.
Modern.az xəbər verir ki, Prezidentin Dövlət Bayrağı Meydanında dalğalandırdığı bu bayrağın eni 36, uzunluğu 72 metr, çəkisi isə 500 kiloqramdan artıqdır.
Dənikənarı Bulvar İdarəsinin mətbuat xidmətinin rəhbəri Əfsanə Mehdiyeva bildirib ki, bayraq parametrlərinə görə "Ginnesin Rekordlar Kitabı"na düşüb.
Dövlət Bayrağı Meydanı təmirə bağlanmazdan öncə bayraq dirəyinin hündürlüyünə görə bu rekord qırılmışdı:
"Hazırda isə yeni sertifikat Dövlət Bayrağı Meydanında ucaldılan bayrağın ölçüləri ilə bağlıdır”.
Dövlət Bayrağı Meydanının təməli 2007-ci il dekabrın 30-da qoyulub. Burada ucaldılan yeni bayraq dirəyinin ümumi hündürlüyü 191 metrdir. Ginnes Dünya Rekordları Təşkilatı 2024-cü il noyabrın 6-da Meydanda qaldırılan Azərbaycanın dövlət bayrağının dünyada ən böyük bayraq olduğunu təsdiq edib.
