st1:*{behavior:url(#ieooui) }
31 dekabr Dünya Azərbaycanlılarının Həmrəyliyi Günüdür. Bu bayram ayrı-ayrı ölkələrdə yaşayan azərbaycanlılarla əlaqələr qurmaq, onlar arasında birlik və həmrəylik yaratmaq işində mühüm rol oynayır. Dünya Azərbaycanlılarının Həmrəyliyi Gününün qeyd edilməsi bütün dünya azərbaycanlıları tərəfindən artıq bir zərurətə və mənəvi ehtiyaca çevrilib. Bəs dünyada nə qədər azərbaycanlı yaşayır? Modern.az xəbər verir ki, Azərbayan Respublikası Diasporla İş üzrə Dövlət Komitəsinin məlumatına görə, dünyanın 70-dən çox ölkəsində 50 milyondan artıq azərbaycanlı yaşayır. Dünya azərbaycanlılarının 10 milyondan çoxu hazırda mühacirətdə yaşayır. Dünyanın 5 qitəsində məskunlaşan soydaşlarımızın siyasi, iqtisadi və sosial-mədəni fəaliyyəti yaşadıqları ölkələr, oradakı şərait, mənəvi dəyərlər kimi müxtəlifdir. Azərbaycanlılar Amerika qitəsinin Şimal, Mərkəzi və Cənub hissəsində daha çox məskunlaşıblar. Amerika Birləşmiş Ştatlarında 1 milyona, Argentinada 12 minə, Braziliyada 75 minə, Kanadada 170 minə, Meksikada isə 27 minə yaxın azərbaycanlı yaşayır. Amerika qitəsi ölkələrində Honduras, Qvatemala, Peru və digərlərində də soydaşlarımız məskunlaşıblar. Amerika qitəsində məskunlaşan azərbaycanlıların əksəriyyəti İrandan miqrasiya etmiş soydaşlarımızdır. 1970-ci ildən etibarən Turkiyədən, 1991-ci ildən isə Azərbaycandan bir qism soydaşlarımızın bu qitəyə axını diasporumuzun tərkibinə və sosial-iqtisadi fəaliyyətinə öz təsirini göstərib. Azərbaycan diasporunun yayılma coğrafiyası və say tərkibinə görə geniş olduğu ikinci qitə Avropadır. Son zamanların statistik göstəricilərinə əsaslanan, Avropa azərbaycanlıların sayı Türkiyədə və Rusiyada, milyonlarla, Ukraynada və Belarusda, Almaniyada, Böyük Britaniyada yüzminlərlə, Norveçdə, Danimarkada, İsveçdə, Macarıstanda, Fransada, İtaliyada on minlərlə, Polşada, İspaniyada, Avstriyada, Albaniyada, Finlandiyada, Portuqaliyada on mindən çox göstərilir. Digər Qərb ölkələrində məskunlaşmış azərbaycanlıların sayı müvafiq olaraq hər bir ölkədə 2-10 min nəfər arasındadır. Hollandiya, Belçika, Danimarka, İsveçrə və Almaniyada yaşayan soydaşlarımızın əksəriyyəti Türkiyədən köçmüş azərbaycanlılardır. Böyük Britaniya, Çexiya, Slovakiya, Polşa, Avstriya, Estoniya, Belarus, Rusiya, Ukrayna, Moldova və Fransadakı soydaşlarımız isə İrandan və Azərbaycan Respublikasından köçənlərdir. Azərbaycan diasporunun üçüncü böyük hissəsi Asiya qitəsində məskunlaşıb. Onların sayı Banqladeşdə, Hindistan, Əfqanıstan, Pakistan, İordaniya və Orta Asiya respublikalarında yüz minlərlə, İndoneziya, Yəmən Ərəb Respublikası, Yəmən Demokratik Respublikası, Çin, Birləşmiş Ərəb Əmirliklərində, Oman, Səudiyyə Ərəbistanı və Suriyada on minlərlə, İraqda isə təqribən bir milyona çatır. Afrika qitəsində məskunlaşmış azərbaycanlıların sayı Misir və Əlcəzairdə yüzminlərlə, Sudanda 17 min nəfərdir. Ümumilikdə, son zamanlar aparılan araşdırmalar nəticəsində Cənubi Afrika Respublikası və Zairdə də soydaşlarımızın məskunlaşdıqları müəyyən edilib. Avstraliya qitəsində isə təxminən 10 minə yaxın azərbaycanlının yaşadığı barədə məlumatlar var.
Modern.az saytı Azərbaycan diaspor təşkilatlarının məlumatları əsasında dünya ölklərində yaşayan azərbaycanlıların sayını təqdim edir: ABS…..................................1.150.000 Avstraliya.............................. 8.500 Avstrya.................................22.000 Albaniya...............................15.000 Argentina..............................14.000 Əlcazair.................................290.000 Əfqanıstan.............................50.000 Banqladeş.............................200.000 Belcika.................................15.000 Birma...................................8.300 Bolqarıstan...........................68.000 Brazilya................................75.000 Butan....................................1.500 Böyük Britaniya....................200.000 Macarıstan............................29.000 Danimarka............................65.000 Misir.....................................950.000 İndoneziya............................44.000 İordaniya...............................50.000 İraq.......................................1.100.000 İran.......................................35.000.000 Hindistan..............................340.000 İrlandiya...............................5.000 İspaniya................................19.000 İtalya.....................................37.000 Yəmən Ərəb Respublikası….38.000 Yəmən Dem. Respublikası.....30.000 Kanada..................................200.000 Çin........................................60.000 Küveyt..................................22.000 Malta.....................................2.500 Meksika................................28.000 Monqolustan........................5.000 Norveç..................................80.000 Birləşmiş Ərəb Əmirlikləri….60.000 Oman.....................................23.000 Pakistan..................................700.000 Polşa.....................................15.000 Portuqalya.............................7.500 Rumıniya...............................47.000 Səudiyyə Ərəbistanı..............44.000 Suriya....................................100.000 Sudan....................................19.000 Türkiyə.................................3.500.000 Fransa..... .............................70.000 Filandiya..............................18.000 Almaniya. ............................350.000 Çexiya...................................2.500 Slovakiya..............................2.200 İsveç......................................15.000 Keçmiş Yuqoslaviya ölkələri....6.000 Yaponiya.............................. 15.000 Yunanıstan..............................20.000 Ukrayna................................ 55.000 Belarus....................................9.000 Rusiya Federasiyası................3.200.000 Özbəkistan...............................100.000 Qazaxıstan...............................110.000 Gürcüstan................................650.000 Litva... ....................................2.000 Latviya. ..................................4.500 Moldova .................................5.500 Qırğızıstan .............................19.000 Tacikistan...............................16.000 Türkmənistan..........................50.000 İsrail…………………………3.000 Estoniya..................................3.000 Azərbaycan Respublikası….. 9.000.000.
Modern.az
