“Mediaya deməyə heç bir sözüm yoxdur”. Bu sözləri keçmiş millət vəkili, “Jurnalistlərin dostu” nominasiyasının qalibi, AMİP-in keçmiş üzvü. professor Nazim İmanov Modern.az-a bildirib.
Keçmiş millət vəkilinin sözlərinə görə, özü barədə KİV-də hər hansı bir məlumatın getməsini istəmir. “Sizə can sağlığı və uğurlar arzu edirəm. Amma mediaya deyəcəyim bir söz yoxdur”-deyə Nazim İmanov vurğulayıb.
Azərbaycanda ilk qeydiyyatdan keçmiş siyasi partiya olan Azərbaycan Milli İstiqlal Partiyasının yaradıcılarından olan professor Nazim İmanov müstəqil Azərbaycanın ilk parlamentinin 1995-2000-ci illərdə üzvü olub. Aktiv deputat fəaliyyəti ilə seçilən N.İmanovun Milli Məclisdə iqtisadi qanunların qəbul olunmasında mühüm rolu olub. Onun rəhbərlyi ilə AMİP-in hazırladığı “Tender haqqında qanun” Milli Məclisdə qəbul edilib. KİV-lə isti münasibətlərinə görə 1998-ci ildə “RUH” Jurnalistləri Müdafiə Komitəsi Nazim İmanovu “Jurnalistlərin dostu” elan edib.
Sonradan AMİP-dən istefa verən N. İmanov 2005-ci ildə müstəqil namziəd kimi parlament süçilərinə qatılsa da, deputat ola bilməyib. O vaxtadan etibarən Nazim İmanov aktiv siyasi fəaliyyətini dayandırıb. “Jurnalistlərin dostu” indi jurnalistlərlə çox ehtiyatlı davranır, heç kimə müsahibə vermək istəmir.
Modern.az
