İctimai Televiziyada yayımlanan "Eurovision-2011" Milli seçim turunun final mərhələsinə vəsiqə qazananların adları bu gün auditoriyaya açıqlandı.
Modern.az-ın məlumatına görə, sms və peşəkar münsiflərin səsverməsi nəticəsində aşağıdakı 5 nəfər finalda Azərbaycanı təmsil etmək uğrunda mübarizə aparacaq.
1) İlhamə Qasımova
2) İlqarə İbrahimova
3) Aynişan Quliyeva
4) Eldar Qasımov
5) Nigar Camal
Azərbaycanı “Eurovision-2011” beynəlxalq mahnı yarışmasında təmsil edəcək ifaçını seçmək üçün bu ilin fevralında Bakıda Milli Seçim turlarının final mərhələsi keçiriləcək.
“Eurovision-2011” beynəlxalq mahnı yarışması gələn ilin mayında Almaniyanın Düsseldorf şəhərində təşkil olunacaq.
Yanvarın 17-də Düsseldorfda püşkatma atılıb və yarımfinal qruplarında hansı ölkələrin çıxış edəcəyi məlum olub. Hər yarımfinalda 19 ölkə yarışacaq. Hər qrupdan 10 ölkə finala çıxacaq.
Beləliklə, mayın 10-da keçiriləcək I yarımfinalda Azərbaycan, Albaniya, Finlandiya, Macarıstan, Litva, İsveçrə, Norveç, Gürcüstan, Türkiyə, Malta, Xorvatiya, San-Marino, Serbiya, Rusiya, İslandiya, Yunanıstan, Portuqaliya, Polşa və Ermənistan iştirakçıları mübarizə aparacaq.
Mayın 12-də II yarımfinal İsrail, Makedoniya, Danimarka, Belarus, Niderland, Bolqarıstan, Latviya, Bosniya və Hersoqovina, Ukrayna, Kipr, Estoniya, Rumıniya, Avstriya, Sloveniya, İsveç, Moldova, Belçika, İrlandiya və Slovakiya iştiraçılarının iştirakı ilə keçiriləcək.
İki gün sonra - mayın 14-də final keçiriləcək.
Fransa, Böyük Britaniya, Almaniya, İtaliya və İspaniya isə mayın 14-də keçiriləcək final mərhələsində birbaşa çıxış edəcək.
Modern.az Milli Seçim turlarının final mərhələsində “Eurovision-2011"ə 1 vəsiqə uğrunda yarışacaq bütün iştirakçıları sizə tanıdır.
|
|
| İlhamə Qasımova |
|
|
| Aynişan Quliyeva |
|
|
| İlqarə İbrahimova |
|
|
| Eldar Qasımov |
|
|
| Nigar Camal |
Modern.az
