AVP sədri Fəzail Ağamalı: "Nə qədər ki, müəllimin və həkimin əməkhaqqı 90-100 manatdır, rüşvətin qarşısını almaq olmaz”
Milli Məclisin bu günkü iclasında hökümətin təqdim etdiyi hesabatın müzakirəsi zamanı millət vəkili Fəzail Ağamalı təhsil sahəsini ciddi tənqid atəşinə tutub. Modern.az-ın parlamentdən verdiyi məlumata görə, millət vəkili orta məktəblərdə təhsilin səviyyəsinin aşağı olduğunu vurğulayaraq, bununla bağlı problemləri qaldırıb. “Necə olur ki, savadsız uşaqlar ali məktəblərə daxil olurlar? Bu gün repititorluq ali məktəbdən hörmətli olub. Axı bu necə olur?”-deyə deputat sual edib.
“TQDK-da milyonlarla rüşvət alınır”-deyən F.Ağamalı ölkədə aparılan antikorrupsiya tədbirlərinə də toxunub. Deputat bildirib ki, əmək haqlarının az olduğu bir zamanda rüşvətlə mübarizənin səmərəli olması az ümid verir. “Nə qədər ki, müəlimin və həkimin əməkhaqqı 90-100 manatdır, rüşvətin qarşısını almaq olmaz”-deyə deputat çıxışında bildirib. Modern.az
