Azərbaycanın Belarusda fövqəladə və səlahiyyətli səfiri Əli Nağıyevin səlahiyyət müddəti başa çatır. Səfir diplomatik missiyasının başa çatması münasibətilə bu gün Belarus prezidenti Aleksandr Lukaşenko ilə görüşüb. APA-nın məlumatına görə, prezident səfir Əli Nağıyevin iki ölkə arasında əməkdaşlığın inkişafına verdiyi töhfəni yüksək dəyərləndirib: “Azərbaycan səfiri qismində Belarusda olduğunuz müddət iqtisadi-ticarət münasibətlərinin qurulması, birgə müəssisələrin yaradılması baxımından çox məhsuldar olub”.
Xatırladaq ki, Azərbaycanla Belarus arasında diplomatik münasibətlər 1993-cü ildən qurulub. 2006-cı ildə Bakı və Minskdə hər iki ölkənin səfirlikləri açılıb.
2005-ci ilə qədər əmək və əhalinin sosial müdafiə naziri postunu tutan Əli Nağıyev o zaman ölkədə baş siyasi proseslərin gedişatında vəzifəsini itirib.
Əli Nağıyev Yeni Azərbaycan Partiyasının nufuzlu liderlərindən olub. Nazir postunda olarkən Təhsil Nazirliyinin ünvanına sərt çıxışı geniş rezonans doğurmuşdu.. 2005-ci ildə ölkədə dövlət çevilişinə cəhd ittihamı ilə vəzifədən çıxarılanlar arasında onun adı da hallansa da, sonradan təsdiqini tapmadı.
Həmin il vəzifədən çıxarılan Əli Nağıyev Belorusa səfir göndərilib.
Modern.az
