Son günlər fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin Fransadan Azərbaycana gətiriləcəyinə dair söz-söhbətlər səngimək bilmir. Bir müddət öncə mətbuatın gündəmindən düşməyən bütün xəbərlər təkzib olundu. Hətta sabiq rektorun vəkili Adil İsmayılov verilən suallara kinayə ilə yanaşaraq, E.Abdullayevin Fransadan piyada yola düşdüyünü də dedi. Daha sonra isə o, Elşad Abdullayevin əvvəllər Bakıda olduğu müddətdə qardaşının işi ilə bağlı Baş Prokurorluqda ifadə verdiyini açıqladı. Bütün bu suallara təkzib cavabı verilsə də, sabiq rektorun ölkəyə gətirilməsi məsələsi hələ də aktual olaraq qalır. Hətta bu barədə yayılan xəbərlərin tezliklə öz təsdiqini tapacağı da istisna olunmur. Gültəkin Ələsgər 
Qalmaqallı videogörüntülər yaymaqla gündəmdə olan Elşad Abdullayevin istintaqa ifadə vermək üçün Bakıya gətiriləcəyi deyilir.
Adil İsmayılovun Modern.az-a dediyinə görə, hazırda Elşad Abdullayevin Azərbaycana gətirilməsi ilə bağlı məsələ gündəmdə yoxdur.
Modern.az bu barədə yenidən Elşad Abdullayevin vəkili Adil İsmayılovdan münasibət öyrənməyə çalışıb. Əvvəllər bu barədə ətraflı məlumat verən, hətta yayılan xəbərləri təkzib edən və sualları kinayə ilə cavablandıran Adil İsmayılov bu dəfə bu barədə heç nə deyə bilməyəcəyini bildirdi.
Hüquq-mühafizə orqanlarından sızan xəbərlər görə, Elşad Abdulayevin Bakıya gətiriləcəyi ehtimal olunur və hazırda bunun yolları haqqında müzakirələr aparılmaqdadır.
