Rusiya Prezidenti Vladimir Putin Avropaya qaz nəqlində Türkiyə ərazisinin başlıca marşrut ola biləcəyini qeyd edib.
Modern.az xəbər verir ki, Putin bu barədə Moskvada keçirilən “Rusiya enerji həftəsi” Beynəlxalq Forumunda danışıb.
Putin, həmçinin Türkiyədə enerji qovşağı yaratmağı da təklif edib.
Qeyd edək ki, dünyanın 70 ölkəsindən 3 mindən çox iştirakçının qatıldığı “Rusiya enerji həftəsi” Beynəlxalq Forumunda Azərbaycanın energetika naziri Pərviz Şahbazovun rəhbərliyi ilə nümayəndə heyəti iştirak edir.
Rusiya Prezidenti “Dünya bazarları: inkişaf naminə əməkdaşlıq” mövzusunda plenar iclasda çıxış edib. İclasda, həmçinin Azərbaycanın energetika naziri Pərviz Şahbazov, Türkiyənin energetika və təbii sərvətlər naziri Fatih Dönməz, Qazaxıstanın energetika naziri Bolat Akçulakovun çıxışları gözlənilir.
