"Azərbaycan, Türkiyə və Qazaxıstanın daxil olduğu üçtərəfli platformadan ciddi nəticələr gözləyirik".
Modern.az xəbər verir ki, bunu Türkiyə Prezidenti Rəcəb Tayyib Ərdoğan Astanada həmkarı Kasım-Jomərt Tokayevlə birgə keçirdiyi mətbuat konfransında deyib.
Ərdoğan qeyd edib ki, müzakirələr zamanı həm də regional əlaqələr barədə danışılıb:
"Keçən il Türk Dövlətləri Təşkilatı yaratmağımızdan məmnunam. Gələn ay Özbəkistanda keçiriləcək zirvə toplantısı əlaqələrimizi daha da gücləndirəcək”.
Qeyd edək ki, bu il iyunun 27-də Bakıda Azərbaycanın təşəbbüsü ilə Azərbaycan, Qazaxıstan və Türkiyənin xarici işlər nazirləri və nəqliyyat sahəsi üzrə məsul nazirlərinin birinci üçtərəfli görüşü keçirilib. Beləliklə, Bakı-Ankara-Astana üçtərəfli platformanın əsasə qoyulub.
