"Hədəfimiz Ukraynada axan qanı dayandırmaqdır. Ona görə də Rusiya-Ukrayna müharibəsi ədalətli sona çatmalıdır.
Modern.az xəbər verir ki, bunu Türkiyə prezidenti Rəcəb Tayyib Ərdoğan Qazaxıstanın paytaxtı Astanada keçirilən Asiyada Əməkdaşlıq və Etimad Tədbirləri üzrə Müşavirənin (CICA) 6-cı Zirvə Toplantısında bildirib.
Ərdoğan qeyd edib ki, məqsəd sahədəki çətinliklərə baxmayaraq əldə edilən sürəti qoruyub saxlayaraq, axan qanların ən qısa zamanda dayandırılmasını təmin etməkdir.
Prezident sammitdə dünyaya müraciət edərək, Rusiya-Ukrayna müharibəsində ədalətli sülhün təmin edilməli olduğunun vacibliyini vurğulayıb.
