ABŞ Prezidenti Co Bayden Kolorado ştatında çıxışı zamanı oğlunun İraqda öldüyünü deyib.
Modern.az xarici KİV-lərə istinadən xəbər verir ki, Bayden İkinci Dünya Müharibəsindən danışdıqdan sonra oğlu barədə danışmağa başlayıb:
“Sadəcə təsəvvür edin. Mən bunu səmimi deyirəm. Mən bunu Bürünc Ulduz alan və İraqda həyatını itirmiş bir insanın atası kimi deyirəm. Onların yaşadıqları cəsarəti təsəvvür edin”.
Baydenin böyük oğlu Bo 2008-2009-cu illərdə İraqda xidmət edib. 2015-ci ildə o, xəstəxanaya yerləşdirildikdən sonra beyin xərçəngindən 46 yaşında vəfat edib.
Baydenin sözlərinə görə, oğlunun onkoloji xəstəliyinə səbəb ABŞ hərbi bazalarında, o cümlədən İraqda tullantıların yandırılması zamanı buraxılan zəhərli maddələrə məruz qalma ola bilər.
ABŞ lideri dəfələrlə ictimai çıxışlarda səhvlərə yol verib: o, sözləri, adları və mövqeləri qarışdırıb, bu da ətrafındakıların çaşqınlığına və sosial şəbəkələrdə geniş müzakirələrə səbəb olub.
