ABŞ-ın Şimali Karolina ştatında elektrik şəbəkəsinə hücum edilib.
Modern.az “WSJ”yə istinadən xəbər verir ki, hadisə ştatın Mur bölgəsində baş verib.
Naməlum şəxslər tərəfindən təşkil edilmiş hücumdan sonra 45 mindən çox sakinin işıqsız qaldığı bildirilib. Hadisədən sonra Şimali Karolinada fövqəladə vəziyyət elan olunub.
ABŞ Federal Təhqiqatlar Bürosu (FBI) hadisənin araşdırılmasını yerli orqanlardan alaraq federal səviyyədə həyata keçirməyə başlayıb.
