Türkiyədə FETÖ terror təşkilatına qarşı növbəti əməliyyat keçirilib.
Modern.az "TRT Haber"ə istinadən xəbər verir ki, bu barədə Konya Prokurorluğu məlumat yayıb.
Bildirilib ki, əməliyyat Konya başda olmaqla, eyni vaxtda ölkənin 4 vilayətində həyata keçirilib. Sözügedən əməliyyat çərçivəsində ümumilikdə 3 nəfər saxlanılıb.
Saxlanılanların FETÖ-nün hərbi sferada şəbəkələşməsində iştirakına dair əsaslı şübhələrin olduğu qeyd edilib.
Hazırda saxlanılanlarla bağlı araşdırmaların aparıldığı və əməliyyatların bundan sonra da davam etdiriləcəyi barədə məlumat verilib.
