Ukrayna xarici işlər nazirinin müavini Əminə Cabbar Rusiya tərəfindən bombalanan Baxmut şəhərinin görüntülərini paylaşıb.
Modern.az xəbər verir ki, nazir müavini bu barədə tviter səhifəsində paylaşım edib.
"Rusiya tərəfindən aylarla davam edən bombardmandan sonra Ukraynanın Baxmut şəhəri belə görünür. Şəhər yenilməzlik qalasına çevrilib. 10 000 insan şəhərdə istilik və elektrik olmadan yaşayır və evlərini tərk etməkdən imtina edir", - deyə Ə.Cabbar yazıb.
Qeyd edək ki, Baxmut Rusiya-Ukrayna müharibəsinin ən ağır döyüşlər gedən cəbhəsi hesab olunur.
