Keçmiş Roma Papası XVI Benediktin dəfn mərasimi başlayıb.
Modern.az "RİA Novosti"yə istinadən xəbər verir ki, mərasim Vatikanın Müqəddəs Pyotr Meydanından start götürüb.
Papanın ölümü ilə bağlı dəfn mərasiminə qatılmaq üçün dünyanın müxtəlif yerlərindən din xadimləri və ruhani liderlər, dövlət rəsmiləri Vatikana səfər ediblər. Mərasimə 60 minə yaxın insanın qatılacağı gözlənilir.
Qeyd edək ki, XVI Benedikt dekabrın 31-də 95 yaşında vəfat edib. O, səhhətinə görə təqaüdə çıxan ilk papa vəzifəsini icra edən olub və son on ildə monastırda yaşayıb.
