Rusiyada "Nordstar" şirkətinə məxsus təyyarə hava limanında uçuş-enmə zolağından çıxıb.
Modern.az TASS-a istinadən xəbər verir ki, bu barədə Qərbi Sibir Nəqliyyat Prokurorluğu məlumat yayıb.
Hadisə Norilskdə baş verib. Belə ki, Norilsk-Moskva reysini həyata keçirməli olan təyyarə uçuşa başlayarkən zolaqdan çıxıb.
İnsident zamanı göyərtədə 116 sərnişin olduğu bildirilib. Onlar aeroportun binasına təxliyə edilib. Təyyarəyə texniki baxış keçirilir və hadisənin səbəbləri araşdırılır.
