Türkiyədə "Kökünü Qurutma Əməliyyatı"nın növbəti mərhələsi keçirilib.
Modern.az "Anadolu" agentliyinə istinadən xəbər verir ki, bu barədə Türkiyənin daxili işlər naziri Süleyman Soylu məlumat verib.
O bildirib ki, narkotiklərlə genişmiqyaslı mübarizə tədbirləri çərçivəsində keçirilən əməliyyatın bu mərhələsi Uşak vilayətində gerçəkləşdirilib. Əməliyyat zamanı ümumilikdə 120 nəfər saxlanılıb.
Qeyd olunub ki, saxlanılan şəxslərlə bağlı araşdırmalar və hüquqi prosedurlar davam etdirilir, bundan sonra da bu sahədə qətiyyətli mübarizə aparılacaq.
