Türkiyədə FETÖ terror təşkilatına qarşı növbəti əməliyyat keçirilib.
Modern.az "TRT Haber"ə istinadən xəbər verir ki, əməliyyat Mersin vilayətində gerçəkləşdirilib.
Səhər saatlarında keçirilən əməliyyatda ümumilikdə 120 polis əməkdaşı iştirak edib. Eyni vaxtda müxtəlif ünvanlarda əməliyyat çərçivəsində axtarılan 15 şübhəlidən 14-ü saxlanılıb.
Bildirilib ki, hazırda 1 nəfərin axtarışı davam edir, bundan sonra da oxşar əməliyyatlar keçiriləcək və terrorçuluqla mübarizə qətiyyətlə aparılacaq.
