Türkiyənin milli müdafiə naziri Hulusi Akar isveçli həmkarı Pal Consonun Ankaraya səfər edəcəyi barədə məlumat verib.
Modern.az "TRT Haber"ə istinadən xəbər verir ki, nazir parlamentdə jurnalistlərin suallarını cavablandırarkən bu barədə danışıb.
"Belə bir səfər planlaşdırılıb. Prosesi izləyirik, hadisələrin gedişinə uyğun olaraq səfər müəyyənləşdiriləcək", - deyə Akar bildirib.
Onun sözlərinə görə, Türkiyə NATO-nun "açıq qapı siyasəti"ni dəstəkləyir, lakin İsveç və Finlandiya Madrid memorandumundan irəli gələn öhdəliklərini yerinə yetirməlidir.
