"Rusiya işğalın ildönümündə yeni hücuma keçə bilər".
Modern.az "Unian"a istinadən xəbər verir ki, bunu Ukraynanın müdafiə naziri Oleksiy Reznikov deyib.
"Ruslar simvolizmlə yaşayırlar, ona görə də fevralın 24-dək nəsə etməyə cəhd edə bilərlər", - deyə o söyləyib.
Nazir deyib ki, Ukrayna Rusiya qüvvələrini kiçik hesab etmir.
"Rəsmi rəqəm 300 mindir, bu, səfərbər olunanların sayıdır, lakin biz sərhədlərdə qoşunları görəndə, bizim hesablamalarımıza görə, bu, daha çox olur", - müdafiə naziri əlavə edib.
Qeyd edək ki, dünən Ukrayna Milli Təhlükəsizlik və Müdafiə Şurasının katibi Aleksey Danilov da oxşar açıqlama vermişdi.
