Türkiyəyə ən çox axtarış-xilasetmə qrupu göndərən ölkələrin siyahısı açıqlanıb.
Modern.az Türkiyə mətbuatına istinadən xəbər verir ki, siyahıda 725 nəfərlik heyətlə Azərbaycan birinci yerdədir.
İsrail Türkiyəyə 450 nəfərdən ibarət axtarış-xilasetmə qrupu göndərən 2-ci ölkədir. Digər yerlərdə Fransa (204 nəfər) və Hindistan (201 nəfər) qərarlaşıb.
Qeyd edək ki, bu rəqəmlər zəlzələ bölgələrinə cəlb olunan və olunacaq axtarış-xilas etmə qrupunun sayını əks etdirir.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Təbii fəlakət zamanı ölənlərin sayı 14 351 nəfərə çatıb. Yaralı sayı 62 937 nəfərdən çoxdur.
