"Rusiya raketləri Rumıniya hava məkanına daxil olmayıb".
Modern.az "Unian"a istinadən xəbər verir ki, bu barədə Rumıniya Müdafiə Nazirliyi məlumat yayıb.
Bildirilib ki, hava müşahidə sistemi raketlərin Moldovanın hava məkanını keçdiyini qeydə alıb. Lakin raketlər Rumıniya ərazisinə çatmayıb və sərhəddən 35 kilometr şimal-şərqdə aşkarlanıb.
Qeyd edək ki, Kişinyovdakı Rusiya səfiri hava məkanının pozulması ilə bağlı Moldova Xarici İşlər Nazirliyinə çağırılıb.
***
13:07
Bu gün Rusiya tərəfindən Ukraynaya atılan raketlər Moldova və Rumıniya səmasına daxil olub.
Modern.az xəbər verir ki, bu barədə "RBK Ukraine" məlumat yayıb.
Xatırladaq ki, Rumıniya NATO üzvüdür. Hələlik hərbi alyansdan bu barədə rəsmi açıqlama verilməyib.
