Fevralın 10-da Rusiya ordusu Ukraynaya kamikadze tipli pilotsuz uçuş aparatları (PUA) ilə hücum edib.
Modern.az xəbər verir ki, bu barədə RBC agentliyi Ukrayna rəsmisinə istinadən məlumat yayıb.
Bildirilir ki, Ukrayna Silahlı Qüvvələri düşmənə məxsus 6 PUA-nı zərərsizləşdirib.
"Odessa vilayətində dəniz üzərində iki kamikadze pilotsuz uçan aparat vurulub. Üç PUA Nikolayev vilayətinə yaxınlaşarkən məhv edilib. Təəssüf ki, onlardan biri Kryvorizka istiqamətində enerji infrastrukturu obyektinə dəyib, digəri isə vurulub" - açıqlamada deyilir.
Vurulan PUA-lardan ikisinin İran istehsalı olduğu bildirilir.
Akif İsmayılov
