Fevralın 6-da Türkiyədə baş vermiş iki ardıcıl zəlzələdən sonra qeydə alınmış afterşokların sayı 6040-a çatıb.
Modern.az "TRT Haber"ə istinadən xəbər verir ki, bu barədə AFAD məlumat yayıb.
Məlumata görə, 4 ayda baş vermiş yeraltı təkanların ümumi sayı qədər silkələnmə son 12 gün ərzində qeydə alınıb.
Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Zəlzələdə ölənlərin sayı 40 min 642 nəfərə çatıb.
