Beynəlxalq Böhran Qrupunun prezidenti Komfort Ero ilə Ermənistan baş naziri Nikol Paşinyan arasında görüş olub.
Modern.az "Sputnik Armenia"ya istinadən xəbər verir ki, görüş tərəflərin Münxen Təhlükəsizlik Konfransında iştirak etmək üçün Almaniyaya səfəri çərçivəsində baş tutub.
Görüşdə Cənubi Qafqazdakı vəziyyətin müzakirə edildiyi bildirilib.
Qeyd edilib ki, bu, Paşinyanın qrafik üzrə sonuncu görüşü olub və bununla da Ermənistan baş nazirinin Münxenə səfəri başa çatıb.
Xatırladaq ki, bundan əvvəl Münxendə ABŞ dövlət katibi Entoni Blinken, Azərbaycan və Ermənistan liderləri İlham Əliyev və Nikol Paşinyan arasında görüş olmuşdu.
