ABŞ-ın 98 yaşlı keçmiş prezidenti Cimmi Karter müalicədən imtina edib.
Modern.az xarici mətbuata istinadən xəbər verir ki, o, əlavə tibbi müdaxilə istəmədiyini deyib.
ABŞ-ın 39-cu prezidenti bir neçə xəstəxanaya yerləşdirildikdən sonra bu qərara gəldiyini açıqlayıb. Kartrer həyatının qalan hissəsini Corciya ştatının Pleyns şəhərindəki evində keçirməyə qərar verib. Karterin ailəsi onu tam dəstəklədiyini bildirib.
Qeyd edək ki, 1924-cü ildə anadan olan və 1977-1981-ci illərdə ABŞ prezidenti postunu tutmuş Cimi Karter paralel olaraq bir neçə xəstəlikdən əziyyət çəkir.
