Böyük Britaniya kralı III Çarlz ölkənin cənub-qərbində ukraynalı hərbçilərin təlim keçdiyi hərbi bazaya baş çəkib.
Modern.az xəbər verir ki, bu barədə "Daily Express" nəşri məlumat yayıb.
Kralı Böyük Britaniya Baş Qərargahının rəisi Patrik Nikolas müşayiət edib. Çarlz Ukrayna hərbçiləri ilə söhbətləşib.
Qeyd edək ki, Ukrayna hərbçiləri Böyük Britaniyada 35 gün ərzində təlimə cəlb olunub. Onlar atıcılığı öyrənir, əsas döyüş bacarıqlarına yiyələnir və müəyyən silah növləri üzrə təlim keçir. Təlim zamanı ukraynalılar tərcüməçilərlə təmin olunurlar. Məlumata görə, son 6 ay ərzində 10 min Ukrayna əsgəri təlim keçib.
Akif İsmayılov
