Avstraliya, Hindistan, ABŞ və Yaponiyanın xarici işlər nazirləri BMT Təhlükəsizlik Şurasının daimi və qeyri-daimi üzvlərinin sayının artırılmasını tələb edib.
Modern.az xəbər verir ki, bu barədə nazirlərin birgə bəyanatında qeyd olunub.
“Biz BMT Təhlükəsizlik Şurasının daimi və qeyri-daimi üzvlərinin sayının genişləndirilməsi də daxil olmaqla, hərtərəfli islahat gündəliyi vasitəsilə BMT-nin gücləndirilməsinə sarsılmaz öhdəliyimizi bir daha təsdiqləyirik”, - nazirlər bildirib.
Bəyanatda qeyd edilib ki, dörd ölkə BMT Təhlükəsizlik Şurasının “daha effektiv, təmsilçi və etibarlı” olması məqsədilə islahatların aparılması üçün danışıqlar prosesində “aktiv və konstruktiv” iştirak etməyi öhdələrinə götürürlər.
