Azərbaycan Minatəmizləmə Agentliyi (ANAMA) işğaldan azad edilmiş ərazilərdə aparılan mina təmizləmə fəaliyyəti barədə həftəlik məlumat yayıb.
ANAMA-dan Modern.az-a verilən məlumata görə, mayın 8-dən 13-dək Tərtər, Ağdam, Xocavənd, Füzuli, Şuşa, Qubadlı, Cəbrayıl və Zəngilanda aparılan minatəmizləmə əməliyyatları zamanı piyada əleyhinə 21, tank əleyhinə 30 mina və 191 partlamamış hərbi sursat aşkarlanaraq zərərsizləşdirilib.
Nəticədə 248 hektar ərazi mina və partlamamış hərbi sursatlardan təmizlənib.
