Təhsil naziri Misir Mərdanov 2010-2011-ci dərs ilində "Ən yaxşı ümumtəhsil məktəbi" və "Ən yaxşı müəllim" müsabiqələrinin keçirilməsi haqqında əmr verib. Bu barədə Modern.az-a Təhsil Nazirliyindən məlumat verilib.
Nazirlikdən bildirilib ki, nazirin sözügedən əmrinə əsasən, "Ən yaxşı ümumtəhsil məktəbi" və "Ən yaxşı müəllim" müsabiqələrində iştirak üçün sənədlərin qəbulu 2010-cu il sentyabrın 20-dən başlanacaq və oktyabrın 20-də başa çatacaq.
Müsabiqələr barədə məktəblərdə elanların verilməsi üçün Naxçıvan MR Təhsil Nazirliyinə, Bakı Şəhəri üzrə Təhsil İdarəsinə, Gəncə Şəhər Təhsil İdarəsinə, rayon (şəhər) təhsil şöbələrinə, bilavasitə nazirlik tabeliyindəki ümumi təhsil müəssisələrinə göstərişlər verilib.
Modern.az
