“İslam Dövləti”nin (IŞİD) son üç ayda min dəfədən çox hücum edərək təxminən 3 min nəfəri öldürdüyü bildirilib.
Modern.az Türkiyə mətbuatına istinadən xəbər verir ki, mərkəzi Londonda yerləşən “IHS Janes”araşdırma təşkilatının hazırladığı məruzədə, İŞİD-in gündəlik hücumlarının iyul-sentyabrda əvvəlki dövrə nisbətən 42 faiz artdığı və təşkilatın gündə orta hesabla 11,2 hücum həyata keçirdiyi bildirilir.
Aprel-iyun dövründə təşkilatın gündə orta hesabla 8,3 hücum həyata keçirdiyi də hesabatda vurğulanır. 3 ayda cəmi 1086 hücum təşkil edən İŞİD-in 2978 nəfəri öldürdüyü qeyd edilən hesabatda ölü sayının əvvəlki üç aylıq dövrə nisbətən 65,3 faiz artdığı da qeyd edilir.
Ağa AKİFOĞLU
