Yeni Azərbaycan Partiyası Nəsimi Rayon Təşkilatı və onun Gənclər Birliyi tərəfindən bu günlərdə Azərbaycanın Dövlət Müstəqilliyinin Bərpası Gününə həsr edilmiş “Müstəqilliyimiz, Gənclərimiz və Gələcəyimiz” adı ilə Futsal dostluq yarışması keçirilib.
Modern.az xəbər verir ki, yarışmada YAP Nəsimi Rayon Təşkilatının Gənclər Birliyinin 4 komandasından ibarət həvəskar futbolçuları I, II və III yerlər uğrunda dostluq oyunları nümayiş etdiriblər.
Yarışda 500-dən çox YAP fəalı, gənclər və mikrorayon sakini tamaşaçı kimi iştirak edib. Yarışmanın ilk oyununda təşkilatın sədri, millət vəkili Məlahət İbrahimqızı gənclərin bu təşəbbüsünü əhəmiyyətini qeyd edərək, ölkəmizdə möhtərəm prezident cənab İlham Əliyev tərəfindən uğurla davam etdirilən gənclər siyasətinin çoxsaylı nailiyyətlərindən danışaraq xalqımızın bu nailiyyətləri yüksək dəyərləndirdiyini diqqətə çatdırıb.
Millət vəkili ölkəmizin ictimai-siyasi, sosial-iqtisadi, elmi mədəni-humantiar həyatında mühüm rola malik və eyni zamanda potensial qüvvə sayılan sağlam gəncliyi öz sıralarına toplayan Yeni Azərbaycan Partiyası gənclərin inkişaf perspektivlərini həmişə diqqətdə saxlamasından və Azərbaycan gəncliyin önündə yeni üfüqlər açmasından da danışdı.
Qeyd edək ki, yekun oyun bu ayın 29-da keçiriləcək və qaliblər finalda YAP partiyası Nəsimi Rayon Təşkilatı tərəfindən mükafatlandırılacaq.
