“Azərbaycanda seçkilərin azad və demokratik şəkildə keçirilməsi bir daha hər kəsin azad şəkildə öz namizədini müəyyən etdiyini sübut etdi”. Bu sözləri Modern.az-a açıqlamsında “İrəli” İctimai Birliyinin sədri Mirhəsən Seyidov deyib.
Onub sözlərinə görə, builki səsvermədə insanlar aktiv şəkildə iştirak ediblər:“Ölkə üzrə ümumi seçici fəallığı 55,7 faiz olub. Yəni, 5 milyon 198 min 658 seçicidən 2 milyon 897 min 188-i səsvermədə iştirak edib. Bu, ötən parlament seçkiləri ilə müqayisədə təxminən 6 faiz çoxdur. Və diqqətdən yayınmayan digər hadisə isə gənclərin parlament seçkilərində daha fəal olması idi. Bu çox sevindirici bir haldır. Artıq gənclər öz hüquqlarını bilir və bunu dəyərləndirirlər”.
Gənclərin səsvermə ilə yanaşı seçkilərdə müşahidəçilik missiyasından danışan “İrəli” sədri bunu çox müsbət hal kimi dəyərləndirib.
““İrəli”- nin üzvləri də müxtəlif səsvermə məntəqələrində müşahidəçi qismində seçkilərin şəffaf keçirilməsində dəstək oldular. Azərbaycanda sosial-demokratik, liberal-demokratik, konservativ, sosialist, neokonservativ, neoliberal, antikommunist yönümlü partiyalar fəaliyyət göstərir. Seçkilərdə hər bir partiya nümayəndəsinin təmsil olunub seçilməsi çox yaxşı bir haldır. Hər kəs fərqli düşüncəyə sahib olduğu kimi, hər partiya da fərqli düşüncəyə sahibdir. Bu da onu göstərir ki, ölkəmizdə fikir azadlığı mövcuddur və hər kəsin düşüncəsi yüksək qiymətləndirilməlidir”.
Modern.az
