Xəzər dənizində daha bir azərbaycanlı balıqçı batıb. Bu haqda Fövqəladə Hallar Nazirliyi məlumat yayıb.
11 noyabr 2015-ci il tarixində Fövqəladə Hallar Nazirliyinin Böhran Vəziyyətlərində İdarəetmə Mərkəzinə Pirallahı rayonu əzazisində dənizdə 1 balıqçının batması barədə məlumat daxil olub. Hava şəraiti əlverişsiz olduğundan axtarışa bu gün Fövqəladə Hallar Nazirliyinin Aviasiya Dəstəsinin bir helikopteri cəlb olunub. Əlavə məlumat veriləcək.
Xatırladaq ki, noyabrın 4-də Xəzər dənizinin Xaçmaz sahilində 3 balıqçı itkin düşmüşdü. Onların cəsədləri sonrakı günlərdə tapılaraq yaxınlarına təhvil verilib.
