Fransanın terrorizmlə mübarizə prokuroru Fransua Molins, Parisdə dünən həyata keçirilən hücumlarda ən azı 129 nəfərin öldüyünü, 352 nəfərin yaralandığını açıqlayıb. Modern.az-ın xarici mediya istinadən verdiyi xəbərə görə, hücumların altı ayrı nöqtədə həyata keçirildiyini bildirən prokuror deyib: “Parisdə dünən axşam meydana gələn terror hücumlarında 7 terrorçu ölüb. Terrorçular üç qrup halında koordinasiyalı hərəkət edib”.
Molins hadisədə həlak olanların və yaralananların sayının artdığını da qeyd edib: “Terror hücumlarında 129 nəfər həyatını itirib, 99-u ağır olmaqla 352 nəfər də yaralanıb”.
Modern.az
