G20-nin Türkiyənin Antalya şəhərində keçirilən zirvə toplantısı çərçivəsində Türkiyənin xarici işlər naziri Firudin Sınıroğlu tərəfindən tədbirdə dövlət və hökumət başçılarını müşayiət edən bir qrup xarici işlər nazirlərinin iştirakı ilə işgüzar nahar verilib.
Modern.az saytı xəbər verir ki, naharda Azərbaycan Respublikası, ABŞ, Rusiya, Səudiyyə Ərəbistanı, Meksika, Cənubi Koreya, İndoneziya, Afrika İttifaqının hazırki sədri statusunda Zimbabve, Argentina və Çinin xarici işlər nazirləri, Böyük Britaniyanın isə dövlət naziri iştirak edib. Azərbaycanı xarici işlər naziri Elmar Məmmədyarov təmsil edib.
İşgüzar nahat əsnasında xarici işlər nazirləri tərədindən terrorizm, miqrasiya və ekstremizm məsələləri müzakirə olunub.
Modern.az
