V çağırış Milli Məclisin ilk plenar iclası öz işinə başlayıb.
Modern.az xəbər verir ki, parlamentin sədri Oqtay Əsədov bildirib ki, demokratik seçkilərlə ölkəmizin V çağırış Milli Məclisi formalaşıb.
Oqtay Əsədov seçkilərin şəffaf keçirilməsinə görə Mərkəzi Seçki Komissiyasına (MSK) təşəkkür edib.
Milli Məclisin deputatlarına vəsiqələri verilməsi üçün MSK-nın sədri Məzahir Pənahova söz verib.
Məzahir Pənahov çıxış edib və noyabrın 1-də keçirilən seçkilərdə qələbə qazanmaları münasibəti ilə deputatları təbrik edib. Daha sonra deputatlara vəsiqələr verilməsi üçün onlar bir-bir kürsüyə dəvət olublar.
Aytən ZƏHRA
