“Yeni Ermənistan” hərəkatının dünəndən Konstitusiya islahatlarının əleyhinə təşkil etdiyi aksiya davam edir. Modern.az-ın Ermənistan mediasına istinadən verdiyi xəbərə görə, dünən axşamdan Yerevanda etirazçılar oturaq aksiya formasına keçiblər.
" İrs” partiyasının lideri Raffi Ovannisyan bəyan edib ki, aksiya iştirakçıları Yerevanın “Azadlıq” meydanında gecələr növbə ilə qalacaqlar. Dünən axşam yağış yağması səbəbindən meydanda gecələyənlər o qədər də çox olmayıb. Bu gün yerli vaxtla saat 18:00-da böyük mitinq, ardından yürüş keçirilməsi nəzərdə tutulur.
