Abid TAHİRLİ
Artıq neçə həftədir ki, “Rossiya-1” kanalından Solovyov- soyadının mənasına naxələf çıxaraq və onun qana susamış, ermənilərdən və ermənipərəst “ekspertlər” yığınından ibarət komandasının bayquş səsi ekranlardan eşidilməkdədir. Bu dəfə hədəfdə Türkiyədir. Ukrayna ilə bağlı bir müddət əvvəl həyata keçirilən çirkin təbliğat kompaniyası eyni ssenari ilə, lakin daha sərt və şiddətlə həyata keçirilməkdədir. Tarixi təhrif etmək, olayları saxtalaşdırmaq, insanlara, hətta bütöv xalqlara şər- böhtan yağdırmaq adi hal almışdır. Verilişin mahiyyəti antibəşəridir, iştirakçılar sülhə yox, qırğına, müharibəyə səsləyir
Daim pusquda duran, tarixi məqam , fürsət gözləyən və bu münaqişədən- Rusiya –Türkiyə arasındakı insidentdən də tula payı uman ermənilər ,xüsusi ilə canfəşanlıq edir, “Papadan daha çox katolik olduqlarını” sübut etmək üçün dəridən –qabıqdan çıxırlar. Solovyov və onun bayquşsayağı çağırışlarına züy tutanlar, xüsusi ilə ermənilər nəhayət , anlamalıdırlar ki, yalanla, ermənilərin tarixən yol yoldaşlığı etdiyi vərdişin ömrü qırx gün çəkir. Gec-tez bu sərsəm təbliğat onların özlərinə qarşı çevriləcəkdir. Rusiya ağzı köpüklənə- köpüklənə rusları qızışdıran Bağdasarovlardan və flyuger kimi istiaqmətini tez-tez dəyişən simasız Jirinovskilərdən ibarət deyil.
