Madridin futbol klubu “Real” 16/1 final mərhələsində “Kadis”lə keçirilən oyuna görə İspaniya Kuboku uğrunda mübarizədən kənarlaşdırılıb. Modern.az-ın xarici mediaya istinadən verdiyi xəbərə görə, buna səbəb kral klubunun rysiyalı futbolçusu Deniz Çerışevin cəzalı olmasına baxmayaraq, həmin oyunda iştirak etməsi olub.
Ötən mövsümdə “Vilyareal” klubunda icarə əsasında oynayan Çerışev 3-cü sarı vərəqə aldığından cəzalı vəziyyətə düşüb. Reqlamentə görə, Çerışev “Real”ın heyətində “Kadis”ə qarşı oyunda meydançaya çıxmamalı idi.
Kadisdə noyabrın 3-də keçirilən oyunda “Real” 3:1 hesabı ilə qalib gəlib.
Rusiyalı Madrid klubunun start heyətində meydana çıxaraq oyunun 3-cü dəqiqəsində hətta rəqib qapısına qol da vurub.
Modern.az
