Əsəd rejimi Suriyanın Lazkiye çölündəki Bayırbucak türkmən bölgəsinə yeni bir quru hərəkatı başladıb. Modern.az Türkiyə mediasına istinadən bildirir ki, hücumlara Rusiya da dəstək verir.
Məlumatda qeyd edilir ki, Əsəd rejiminə aid birliklər bu gün səhər saatlarında Kırıkaltı təpəsinə istiqamətli əməliyyat başlayıb.“Anadolu” agentliyinin yerli qaynaqlardan aldığı məlumatlara görə, havadan Rusiya hərbi təyyarələrinin də dəstək verdiyi hücumlarda rejim Kızıldağın cənubunda yerləşən Kırıkaltı təpəsi və Göğdağ kəndinə doğru irəliləməyə çalışır.
Bölgədəki bir çox kəndin də bombardmana tutulduğu Türkmən dağında ölü və yaralıların olduğu da qeyd edilir.
Strateji əhəmiyyətə sahib Kızıldağın cənubunda olan Göğdağ və Kırıkaltı təpəsi, yüksək mövqedə olmaları səbəbi ilə əhəmiyyət daşıyır.
Modern.az
