Bakı Dövlət Universitetinin Jurnalistika fakültəsinin 3-cü kurs tələbələri qısametrajlı film hazırlayıblar. Modern.az saytı xəbər verir ki, “MüharibəSiz” adlı filmdə müharibələr və onun törətdiyi acı nəticələr yer alıb. Tələbələr bu yolla hazırki dövrdə baş verən kütləvi qırğınlar, terror hadisələri, aclıq və uşaq ölümlərinə etirazlarını bildiriblər. Filmin sonunda tələbələr sülh çağırışı edərək, bütün insanları birliyə dəvət ediblər.
