Rusiyanın paytaxtı Moskva şəhərində Azərbaycan yazıçısı Varisin «Üç üstəgəl bir» adlı audiokitabı işıq üzü görüb. Modern.az xəbər verir ki, Şərqi Avropanın ən böyük elektron və audiokitab ticarəti şirkəti LitRes-in, habelə İnternational Writers Union təsisatının sifarişi ilə çıxan audiokitab bu gündən etibarən satışa çıxarılıb.
Tirajın bir hissəsi isə beynəlxalq almanaxlara və ədəbi jurnallara, o cümlədən, 20000 tirajlıq populyar «Russkiy kolokol» jurnalına əlavə olunacaq. «Üç üstəgəl bir» 1 saat 47 dəqiqə həcmindədir, mətni aktyor Dmitri Karigin səsləndirir.İnsanı pozitivliyə kökləyən, «bir az güc, bir az səbr, dözüm toplasaq, hər bir ağırlığa dözə, hər bir bəlaya güc gələ bilərik. Sadəcə, sınmamağımız və özümüzə güvənməyimiz lazımdır» cümlələri ilə tamamlanan audiokitab psixoloji nəşr təsnifatına aid edilərək geniş oxucu kütləsi üçün nəzərdə tutulub.
