Bu il avqustun 8-də futbolçu Cavid Hüseynovun yaxınları tərəfindən döyülən, bir gün sonra isə xəstəxanada dünyasını dəyişən jurnalist Rasim Əliyevin döyüldüyü anın əks edildiyi görüntülər yayılıb.
Modern.az saytı "ann.az"-a istinadən xəbər verir ki, döyülmə anı hadisənin baş verdiyi məkanda qoyulmuş nəzarət kameralarına düşüb.
Qeyd edək ki, avqustun 8-də jurnalist Rasim Əliyev paytaxtın Bayıl qəsəbəsi ərazisində bir qrup naməlum şəxs tərəfindən döyülərək çoxsaylı bədən xəsarətləri ilə Kliniki Tibbi Mərkəzə yerləşdirilib və avqustun 9-da orada vəfat edib.
Jurnalist Rasim Məmmədəli oğlu Əliyev 1984-cü il avqustun 16-da Bakıda anadan olub. O, Azərbaycan Dövlət Neft Akademiyasındı bitirib.
Jurnalistin ölümünə görə, Cavid Hüseynov, Elşən İsmaylov və jurnalistin döylməsində iştirak edən digər 4 nəfər də həbs edilib.
